Jó 11.10

י אם-יחלף ויסגיר ויקהיל ומי ישיבנו br

¹ א ויען צפר הנעמתי ויאמר br

² ב הרב דברים לא יענה ואם-איש שפתים יצדק br

³ ג בדיך מתים יחרישו ותלעג ואין מכלם br

⁴ ד ותאמר זך לקחי ובר הייתי בעיניך br

⁵ ה ואולם–מי יתן אלוה דבר ויפתח שפתיו עמך br

⁶ ו ויגד-לך תעלמות חכמה– כי-כפלים לתושיה br ודע– כי-ישה לך אלוה מעונך br

⁷ ז החקר אלוה תמצא אם עד-תכלית שדי תמצא br

⁸ ח גבהי שמים מה-תפעל עמקה משאול מה-תדע br

⁹ ט ארכה מארץ מדה ורחבה מני-ים br

¹⁰ י אם-יחלף ויסגיר ויקהיל ומי ישיבנו br

¹¹ יא כי-הוא ידע מתי-שוא וירא-און ולא יתבונן br

¹² יב ואיש נבוב ילבב ועיר פרא אדם יולד br

¹³ יג אם-אתה הכינות לבך ופרשת אליו כפיך br

¹⁴ יד אם-און בידך הרחיקהו ואל-תשכן באהליך עולה br

¹⁵ טו כי-אז תשא פניך ממום והיית מצק ולא תירא br

¹⁶ טז כי-אתה עמל תשכח כמים עברו תזכר br

¹⁷ יז ומצהרים יקום חלד תעפה כבקר תהיה br

¹⁸ יח ובטחת כי-יש תקוה וחפרת לבטח תשכב br

¹⁹ יט ורבצת ואין מחריד וחלו פניך רבים br

²⁰ כ ועיני רשעים תכלינה ומנוס אבד מנהם ותקותם מפח-נפש