Provérbios 18.20

כ מפרי פי-איש תשבע בטנו תבואת שפתיו ישבע br

¹ א לתאוה יבקש נפרד בכל-תושיה יתגלע br

² ב לא-יחפץ כסיל בתבונה כי אם-בהתגלות לבו br

³ ג בבוא-רשע בא גם-בוז ועם-קלון חרפה br

⁴ ד מים עמקים דברי פי-איש נחל נבע מקור חכמה br

⁵ ה שאת פני-רשע לא-טוב– להטות צדיק במשפט br

⁶ ו שפתי כסיל יבאו בריב ופיו למהלמות יקרא br

⁷ ז פי-כסיל מחתה-לו ושפתיו מוקש נפשו br

⁸ ח דברי נרגן כמתלהמים והם ירדו חדרי-בטן br

⁹ ט גם מתרפה במלאכתו– אח הוא לבעל משחית br

¹⁰ י מגדל-עז שם יהוה בו-ירוץ צדיק ונשגב br

¹¹ יא הון עשיר קרית עזו וכחומה נשגבה במשכתו br

¹² יב לפני-שבר יגבה לב-איש ולפני כבוד ענוה br

¹³ יג משיב דבר בטרם ישמע– אולת היא-לו וכלמה br

¹⁴ יד רוח-איש יכלכל מחלהו ורוח נכאה מי ישאנה br

¹⁵ טו לב נבון יקנה-דעת ואזן חכמים תבקש-דעת br

¹⁶ טז מתן אדם ירחיב לו ולפני גדלים ינחנו br

¹⁷ יז צדיק הראשון בריבו יבא- (ובא-) רעהו וחקרו br

¹⁸ יח מדינים ישבית הגורל ובין עצומים יפריד br

¹⁹ יט אח–נפשע מקרית-עז ומדונים (ומדינים) כבריח ארמון br

²⁰ כ מפרי פי-איש תשבע בטנו תבואת שפתיו ישבע br

²¹ כא מות וחיים ביד-לשון ואהביה יאכל פריה br

²² כב מצא אשה מצא טוב ויפק רצון מיהוה br

²³ כג תחנונים ידבר-רש ועשיר יענה עזות br

²⁴ כד איש רעים להתרעע ויש אהב דבק מאח