Psalm 151 140

¹ Vir die musiekleier. 'n Psalm van Dawid.

² Red my, HERE, van die kwaaddoeners, bewaar my vir die manne van geweld;

³ wat slegte dinge in die hart bedink, wat elke dag stryd verwek.

⁴ Hulle maak hul tong skerp soos 'n slang; gif van 'n adder is onder hulle lippe. Sela.

⁵ Bewaar my, HERE, vir die hande van die goddelose; behoed my vir die manne van geweld wat planne beraam om my voete weg te stoot.

⁶ Trotsaards het vir my 'n vangnet gespan en toue; hulle het 'n net uitgespan aan die kant van die pad; strikke het hulle vir my gestel. Sela.

⁷ Ek het tot die HERE gesê: U is my God; luister tog, HERE, na die stem van my smekinge!

⁸ HERE Here, Sterkte van my heil, U beskut my hoof in die dag van stryd!

⁹ HERE, gee tog nie die begeertes van die goddelose nie; laat sy listige plan nie geluk, sodat hulle hul verhef nie. Sela.

¹⁰ Wat betref die hoof van die wat my omring — laat die onheil van hulle lippe hulle oordek.

¹¹ Laat vurige kole op hulle afgegooi word; mag Hy hulle laat val in die vuur, in kuile, sodat hulle nie weer opstaan nie!

¹² Laat die kwaadspreker nie op aarde bevestig word nie; die man van geweld — laat die ongeluk hom jaag met slag op slag.

¹³ Ek weet dat die HERE die regsaak van die ellendige, die reg van die behoeftiges sal behartig. [ (Psalms 140:14) Sekerlik, die regverdiges sal u Naam loof, die opregtes sal voor u aangesig woon. ]