1. א                  ויען אליהו ויאמר

2. ב  הזאת חשבת למשפט    אמרת צדקי מאל

3. ג  כי-תאמר מה-יסכן-לך    מה-אעיל מחטאתי

4. ד  אני אשיבך מלין--    ואת-רעיך עמך

5. ה  הבט שמים וראה    ושור שחקים גבהו ממך

6. ו  אם-חטאת מה-תפעל-בו    ורבו פשעיך מה-תעשה-לו

7. ז  אם-צדקת מה-תתן-לו    או מה-מידך יקח

8. ח  לאיש-כמוך רשעך    ולבן-אדם צדקתך

9. ט  מרב עשוקים יזעיקו    ישועו מזרוע רבים

10. י  ולא-אמר--איה אלוה עשי    נתן זמרות בלילה

11. יא  מלפנו מבהמות ארץ    ומעוף השמים יחכמנו

12. יב  שם יצעקו ולא יענה--    מפני גאון רעים

13. יג  אך-שוא לא-ישמע אל    ושדי לא ישורנה

14. יד  אף כי-תאמר לא תשורנו    דין לפניו ותחולל לו

15. טו  ועתה--כי-אין פקד אפו    ולא-ידע בפש מאד

16. טז  ואיוב הבל יפצה-פיהו    בבלי-דעת מלין יכבר

Você está lendo na edição ALEPPO, Aleppo Codex, em Hebraico.
Este lívro compôe o Antigo Testamento, tem 42 capítulos, e 1050 versículos.