Josué 16

¹ א ויצא הגורל לבני יוסף מירדן יריחו למי יריחו מזרחה המדבר עלה מיריחו בהר–בית אל

² ב ויצא מבית אל לוזה ועבר אל גבול הארכי עטרות

³ ג וירד ימה אל גבול היפלטי עד גבול בית חורן תחתון–ועד גזר והיו תצאתו ימה

⁴ ד וינחלו בני יוסף מנשה ואפרים

⁵ ה ויהי גבול בני אפרים למשפחתם ויהי גבול נחלתם מזרחה עטרות אדר עד בית חורן עליון

⁶ ו ויצא הגבול הימה המכמתת מצפון ונסב הגבול מזרחה תאנת שלה ועבר אותו ממזרח ינוחה

⁷ ז וירד מינוחה עטרות ונערתה ופגע ביריחו ויצא הירדן

⁸ ח מתפוח ילך הגבול ימה נחל קנה והיו תצאתיו הימה זאת נחלת מטה בני אפרים–למשפחתם

⁹ ט והערים המבדלות לבני אפרים בתוך נחלת בני מנשה–כל הערים וחצריהן

¹⁰ י ולא הורישו את הכנעני היושב בגזר וישב הכנעני בקרב אפרים עד היום הזה ויהי למס עבד {פ}