Provérbios 9

¹ א חכמות בנתה ביתה חצבה עמודיה שבעה br

² ב טבחה טבחה מסכה יינה אף ערכה שלחנה br

³ ג שלחה נערתיה תקרא– על-גפי מרמי קרת br

⁴ ד מי-פתי יסר הנה חסר-לב אמרה לו br

⁵ ה לכו לחמו בלחמי ושתו ביין מסכתי br

⁶ ו עזבו פתאים וחיו ואשרו בדרך בינה br

⁷ ז יסר לץ–לקח לו קלון ומוכיח לרשע מומו br

⁸ ח אל-תוכח לץ פן-ישנאך הוכח לחכם ויאהבך br

⁹ ט תן לחכם ויחכם-עוד הודע לצדיק ויוסף לקח br

¹⁰ י תחלת חכמה יראת יהוה ודעת קדשים בינה br

¹¹ יא כי-בי ירבו ימיך ויוסיפו לך שנות חיים br

¹² יב אם-חכמת חכמת לך ולצת לבדך תשא br

¹³ יג אשת כסילות המיה פתיות ובל-ידעה מה br

¹⁴ יד וישבה לפתח ביתה– על-כסא מרמי קרת br

¹⁵ טו לקרא לעברי-דרך המישרים ארחותם br

¹⁶ טז מי-פתי יסר הנה וחסר-לב ואמרה לו br

¹⁷ יז מים-גנובים ימתקו ולחם סתרים ינעם br

¹⁸ יח ולא-ידע כי-רפאים שם בעמקי שאול קראיה