Salmos

1. א  לדוד אליך יהוה אקרא--    צורי אל-תחרש ממני פן-תחשה ממני    ונמשלתי עם-יורדי בור

2. ב  שמע קול תחנוני    בשועי אליך בנשאי ידי    אל-דביר קדשך

3. ג  אל-תמשכני עם-רשעים    ועם-פעלי-און דברי שלום עם-רעיהם    ורעה בלבבם

4. ד  תן-להם כפעלם    וכרע מעלליהם כמעשה ידיהם תן להם    השב גמולם להם

5. ה  כי לא יבינו אל-פעלת יהוה--    ואל-מעשה ידיו יהרסם    ולא יבנם

6. ו  ברוך יהוה    כי-שמע קול תחנוני

7. ז  יהוה עזי ומגני--    בו בטח לבי ונעזרתי ויעלז לבי    ומשירי אהודנו

8. ח  יהוה עז-למו    ומעוז ישועות משיחו הוא

9. ט  הושיעה את-עמך--    וברך את-נחלתך ורעם ונשאם    עד-העולם

Você está lendo Salmos na edição ALEPPO, Aleppo Codex, em Hebraico.
Este lívro compôe o Antigo Testamento, tem 150 capítulos, e 2461 versículos.