Salmos

1. He himene. Waiatatia ki a Ihowa he waiata hou; he mahi whakamiharo hoki ana: na tona ringa matau, na tona ringa tapu, i taea ai e ia te whakaora.

2. Kua whakakitea e Ihowa tana whakaoranga, kua whakapuakina e ia tona tika ki te aroaro o nga tauiwi.

3. Kua mahara ia ki tana mahi tohu, ki tona pono ki te whare o Iharaira; a kua kite nga pito katoa o te whenua i te whakaoranga a to tatou Atua.

4. Kia hari te hamama, e te whenua katoa, ki a Ihowa: hamama, kia hari, ae ra, himene atu.

5. Himene ki a Ihowa i runga i te hapa; i runga i te hapa, me te himene ano te reo.

6. I runga i te tetere, i te tangi ano o te koronete: kia hari te hamama ki te aroaro o Ihowa, o te Kingi.

7. Kia haruru te moana me nga mea e hua ana i roto, te ao me ona tangata e noho ana i runga.

8. Kia papaki nga ringa o nga roma, kia hari tahi nga pukepuke.

9. Ki te aroaro o Ihowa: e haere mai ana hoki ia ki te whakawa mo te whenua: ka whakawa ia mo te ao i runga i te tika, mo nga iwi hoki i runga i te pono.

Você está lendo Salmos na edição JUDSON, Myanmar/Burmse - Judson, em Birmanês / Burmês.
Este lívro compôe o Antigo Testamento, tem 150 capítulos, e 2461 versículos.