Salmos 130

¹ Ein song til høgtidsferderne. Or djupet ropar eg på deg, Herre!

² Herre, høyr på mi røyst, lat dine øyro merka mi bønerøyst!

³ Dersom du, Herre, vil gøyma på misgjerningar, Herre, kven kann då standa?

⁴ For hjå deg er forlatingi, at dei skal ottast deg.

⁵ Eg vonar på Herren, mi sjæl vonar, og eg ventar på hans ord.

⁶ Mi sjæl ventar på Herren meir enn vaktmenner på morgonen, vaktmenner på morgonen.

⁷ Venta, Israel, på Herren! for hjå Herren er nåden, og stor utløysing er hjå honom.

⁸ Og han skal løysa Israel frå alle deira misgjerningar.