Salmos 120

¹ שִׁיר הַֽמַּעֲלוֹת אֶל ־יְהוָה בַּצָּרָתָה לִּי קָרָאתִי וַֽיַּעֲנֵֽנִי ׃

² יְֽהוָה הַצִּילָה נַפְשִׁי מִשְּׂפַת ־שֶׁקֶר מִלָּשׁוֹן רְמִיָּֽה ׃

³ מַה ־יִּתֵּן לְךָ וּמַה ־יֹּסִיף לָךְ לָשׁוֹן רְמִיָּֽה ׃

⁴ חִצֵּי גִבּוֹר שְׁנוּנִים עִם גַּחֲלֵי רְתָמִֽים ׃

⁵ אֽוֹיָה ־לִי כִּי ־גַרְתִּי מֶשֶׁךְ שָׁכַנְתִּי עִֽם ־אָהֳלֵי קֵדָֽר ׃

⁶ רַבַּת שָֽׁכְנָה ־לָּהּ נַפְשִׁי עִם שׂוֹנֵא שָׁלֽוֹם ׃

⁷ אֲ‍ֽנִי ־שָׁלוֹם וְכִי אֲדַבֵּר הֵמָּה לַמִּלְחָמָֽה ׃