Connect with us

Bíblia WYCLIFFE

Salmos 1

1 Blessid is the man, that yede not in the councel of wickid men; and stood not in the weie of synneris, and sat not in the chaier of pestilence.

2 But his wille is in the lawe of the Lord; and he schal bithenke in the lawe of hym dai and nyyt.

3 And he schal be as a tree, which is plauntid bisidis the rennyngis of watris; which tre schal yyue his fruyt in his tyme. And his leef schal not falle doun; and alle thingis which euere he schal do schulen haue prosperite.

4 Not so wickid men, not so; but thei ben as dust, which the wynd castith awei fro the face of erthe.

5 Therfor wickid men risen not ayen in doom; nethir synneres in the councel of iust men.

6 For the Lord knowith the weie of iust men; and the weie of wickid men schal perische.

Continuar Lendo

Leave a Reply

O seu endereço de e-mail não será publicado. Campos obrigatórios são marcados com *